| 小诗cherry님의 프로필羅家名苑——穎詩幸福閣사진블로그리스트 |  도구  도움말 |
|
羅家名苑——穎詩幸福閣無論順景還是逆景，無論貧窮還是富貴，相愛相敬不離不棄 5월 27일 好耐无来啦……我记得，我以前好中意係哩度写嘢，仲记得，写开心嘅嘢，用粉红色字，写唔开心嘅嘢，用紫色字，写喜事，用红色字。但曾经因为哩度嘅网速好慢，成日想上又上唔到，之后就好少上，开始用Q-ZONE了，之后就更加少上啦……
而家已经习惯係Q-ZONE写嘢，虽然都唔係经常更新，但係係嗰度交流嘅朋友比係哩度多好多……
点都好，哩度真係收录咗好多我同老公刚开始係埋一齐嘅回忆…… 4월 14일 老公话我好耐无更新囖……结婚之后，一直过住我幸福嘅少奶奶生活，虽然唔係大把钱唔使做嗰种，但係因为夫家嘅人对我太好太好，所以我真係觉得好幸运同好幸福……
啲人问我，结婚之后同结婚之前有咩唔同？会唔会有畀人绑住嘅感觉？我话无喔，夫家嘅人畀咗好大嘅自由度同空间我喔，同做女嗰阵一啲分别都无，事实上，同老爷、奶奶相处，真係好似同自己父母相处咁样，真係好开心，令身边嘅朋友羡慕不已啊，哇哈哈！而我老公，一直都对我咁好嘎啦，结婚之后，畀以前仲乖咗，嘻嘻！
好懒啊，结婚啲相同埋啲DV都未完全整理好，真係懒到出汁……
今日上午进行咗英语统考，比我想象中考得好好多，无乜点复习都可以考成咁，真係唔错嘎啦……听日就考计算机啦，不过应该唔会咁好彩嘎啦，无所谓啦，今次唔得就下次啦，计算机哩啲嘢，只要有复习就一定过啦，不过今次真係无……睇下听日係米咁好彩啦……
好啦，要继续睇书啦…… 老婆说明书【通用名】老婆 【化学名称】已婚女性 【成分】水、蛋白质、脂肪、核糖核酸、碳水化合物及少量矿物质，气味幽香。 【理化性质】酸性；可分为一价（嫁）、二价（嫁）、三价（嫁）.......n价（嫁）。易溶于蜜语、甜言；遇钻石、名车、豪宅熔点降低，难溶于白丁。 【性状】本品为可乐状凹凸异性片，表面光洁，涂有各种化妆品、对钻石、铂金有强烈的亲和力；羞涩时泛红，生气时泛绿，随时间推移表面会出现黄斑，起皱，但不影响继续使用。 【功能主治】主治单身恐惧症，对失恋和相思病有明显效果，亦可用于烧淘洗买、带孩子。 【副作用】气管炎、耳根软、视疲劳、行为受阻等。严重不良反应者，可致皮肉损伤。 【用法用量】一生一片。 【禁忌症】公开服用二片或二片以上。 【注意事项】 肾功能不全者慎用。 【规格】几十千克至百千克，片重超标不影响使用。 【贮藏】常温下保存。避免与成群女性、单独帅哥相处。严禁在外过夜。 【包装】各种时装、鞋帽、首饰、手袋，随季节变化更换。 【有效期】终生有效。 【批准文号】见钻戒购买发票号码 【生产日期】同身份证出生年月日。 【生产企业】岳父岳母。 12월 5일 2006年12月4日，罗先生和郭小姐正式成为合法夫妻哈哈，寻日同猪猪老公领咗结婚证啦，结束咗我哋1年8个月14日嘅恋爱关系，正式成为合法夫妻。拿住两本红簿仔真係又开心又兴奋啊，我哋睇完又睇，我傻笑完又再傻笑，呵呵！
领完证之后，我哋去咗买演唱会飞，係草蜢嘎，16号晚8点钟，广州新体育馆，好期待啊，咁大个女第一次咋！
之后同咗老公去饮下午茶，真係好温馨啊！
寻晚奶奶同我一齐摆设间房，姖送咗几件古玩畀我摆，唔係便嘢来嘎，多谢多谢，到时你哋来睇我间新房就睇到啦，但如果你唔识得欣赏，你会觉得啲嘢好好旧囖，如果你识得欣赏，可能你会好羡慕我呢？！
今朝4点几收到老公嘅短信——係咁特别嘅日子里，我最想讲：“我罗颖俊非常愿意娶郭丽诗为合法妻子!”
好甜啊，咁大个女，第一次畀人吵醒都咁开心嘎，嘻嘻！
11월 25일 终于睇咗婚纱相啦唔係全部都影得好好，因为两个唔同嘅摄影师影，外景嗰啲影得好嘛嘛，所以好多都无要，内景嗰啲唔错，特别係绿色嘅晚装，哈哈，我真係好中意……一个月后就有得拿，到时一定会贴上来……
寻晚同老公讲咗一直都好想讲嘅嘢，舒服晒……以后都唔好乱谂嘢，猪…… 11월 21일 我係老公心目中嘅101分有一个男仔，佢话我係佢心目中嘅100分，直到我而家就要结婚了，佢依然都係咁讲，哈哈，所以，寻晚我决定问下我老公，问佢，我係佢心目中係几多分。结果，佢答我，101分！哈哈，好开心，算佢啦，抵畀佢做我老公嘎！佢笑住话，好采多1分嗟！ 星期日影婚纱相嘅情况星期日，因为要去影婚纱相嘅缘故，所以我哋都无得瞓懒觉……
去到影楼，第一件事当然就係要畀埋啲尾数啦，之后，化妆师就开始同我化妆啦！上咗妆之后嘅我，影楼啲工作人员个个都话好可爱（其实平时都几可爱嘎啦），姖哋话我好似日本啲娃娃，个主管叫个化妆师千其唔可以同我化得老迹，仲叫个摄影师同我哋影靓啲，到时要来挂出铺面哇，嘻嘻，真係开心，讲真，可能我老公比我仲开心呢！@_@
我唔觉得影楼啲人係度奉承我哋，因为佢哋只係赞我同我个猪猪咋，都听唔到佢哋赞其他人，呵呵，鬼叫我哋生得后生啊，呵呵！@_@
周末同猪猪去睇相囖！ 11월 15일 一日比一日期待……一日比一日期待，期待星期日影婚纱相，希望到时发挥最佳状态，期待阿葹结婚，下星期同静仪去买衫，唔知静仪几时同我试妆呢？期待同猪猪去注册，期待我哋嘅婚礼……
虽然工作好忙、好烦、好多嘢搞，但係，我有动力，我有好锡我嘅屋企人，爸爸妈妈爱我就唔使讲嘎啦，最难得嘅更係猪猪嘅爸爸、妈妈都好锡我啦，哈哈，佢哋真係好好嘎…… 11월 14일 感慨係第一篇日志，我写到——取名『穎詩幸福閣』，顧名思義就係哩度屬于我同佢嘅樂土，我將會係哩度記載我同佢每日發生嘅事，同埋會貼好多我哋靚靚嘅相相！一直寫，一直貼……第日，我仲會將我哋D結婚相同BB相貼上來添啊，呵呵，係米好期待啊？@_@
年几前写嘅日记，嗰时觉得结婚好似好遥远咁，起码都係两、三年后嘅事，讲老实，其实我都几恨嫁（唔好笑啦，係女人遇到心中所爱都恨嘎啦），不过又真係估唔到会咁快就嫁。今个星期日就影婚纱相啦，我讲过，我会将我哋啲结婚相放上来嘅，放咗上来就唔会删，幸福要畀人知道嘎嘛，係米？ 11월 9일 日子天天的过去哩几日个人都想病想病咁……就来做伴娘啦，就来做新娘啦，唔好病啊，千其唔好病，如果真係要病，就唔该快啲病咗先啦！
电咗个发喔，好耐都无试过使咁多钱去搞个头，今次落重本，如果唔係又做伴娘又做新娘，我谂我真係唔舍得嘎……
仲有一个星期多啲就去影婚纱相啦，嘻嘻，希望到时好天，我同猪猪俊都可以发挥最好状态，影靓靓相，千其唔可以感冒啊！
工作量越来越多，虽然人工唔係高，但係我都会畀心机做，因为学到嘢係我自己嘅，边个都拿唔走。希望工作顺利……希望早日再加人工＋＋＋
猪猪俊叻咗好多啊，睇过佢啲工作报告，好叻叻啊，果然係我嘅叻老公！@_@ 11월 3일 偷相係靓姐姐个空间睇翻姖结婚当然嘅相，嘻嘻，真係靓靓啦，好难忘啊，贴几张先，嘻嘻……
啱啱好，仲有一个月就係阿葹同肥仔结婚嘅大日子啦，又係我做伴娘呢，真係好开心嘎！做伴娘虽然辛苦但係好开心嘎！@_@
仲有三个月就係阿诗同阿俊嘅大喜日子啦，咩话？唔知佢哋係边个？哈哈……打锅你嘎！@_@
好开心，今晚同小贤有约我已经成四年无见过小贤啦，真係唔觉唔觉，但事实上真係四年啦！对于今晚嘅见面，我真係好兴奋同期待呢！
小贤以前个男朋友同我以前个男朋友係由细玩到大嘅好朋友，四年前，我哋经常聚埋一齐玩煮饭仔，嗰时真係几开心。当时我就係度谂，唔知几年之后，我哋四个人仲可唔可以再係埋一齐煮饭仔？而家知道啦，答案係唔可以嘅！Anyway，以前开心嘅回忆係一种过去式，最紧要而家过得开心嘛！@_@
10월 25일 最近喜事真係多啦……智哥哥係今日做咗人哋爸爸啦，生咗个仔仔喔，唔知点样嘎呢？迟下有得见啦！@_@
离阿葹个婚期越来越近啦，姖都已经影咗婚纱相啦，28号去注册喔，幸福嘅新娘啊！@_@我就快又做伴娘啦！@_@
我下个月都去影婚纱相啦，哈哈，咁多好事一齐来，真係好开心啊，身边嘅朋友结婚嘅结婚，生仔嘅生仔，真係觉得自己大个啦，觉得时间过得好快好快啊！@_@
有个几月做伴娘，仲有3个几月就做新娘啦！ 10월 11일 好耐无写嘢啦，懒到死……其实有好多嘢可以写，不过今晚唔係咁感性，所以都唔知点写，都係得闲再写过啦，哈，所以米话自己懒到死囖……
听日都几多任务啊，希望工作顺利啦，一定要工作顺利啊，过咗又等于过一关了，希望加多啲工资啦，好穷啊我，好等钱使啊……
好挂住老公啊，今次进到佢可以……哈哈……唔讲畀你听啊…… 9월 13일 容易把老公宠坏的星座老婆
衰佬，你睇你几幸福啊，哈哈，揾到我…… 9월 12일 今日比较得闲，嘻嘻今日比较得闲，上网搞下自己啲嘢……
好耐都无整理过哩度，我哩个『颖诗幸福阁』虽然唔够其他人嘅空间搞得咁有声有色，但係，我都用咗好多真情实感去写每一篇日志，呵呵！
迟下，我打算改下哩度个名，改咩名？几时改？到时米知囖！ 9월 10일 期待12月3日，好开心啊……头先阿葹打电话来，话我听已经订咗酒席了，12月3号结婚，太开心啦，姖仲话会揾我做伴娘呢，呵呵……咁我米一年之内做两次伴娘？哇……实在太经典啦……一年之内有两个好朋友出嫁啊，做完两次伴娘到自己做新娘啊，开心到晕啊！
下个月计划同埋阿葹一齐去打戒指、订婚纱同订旗袍！@_@ 9월 7일 好耐无上过来啦，555一直都好想上来写嘢，因为我觉得哩度係属于我同老公嘅地方，係度，我写咗好多关于我同佢嘅嘢，我仲记得第一篇日记我写乜嘎，哈哈！上得翻就好啦！
热辣辣，无乜心机写嘢，听日翻公司再写，等我有FEEL嗰阵先补写翻之前嘅嘢，嘻嘻！@_@ 7월 23일 终于解脱，星期一又係一个新开始过去嘅个几月，係工作上发生咗好多事，睇咗好多嘢，学咗唔少嘢，亦都经历咗以前从未试过嘅上班环境、上班时间、工作方式……不过，一切已经过去囖，好似发场梦咁啦！
星期一，又係一个新开始，希望今次可以行得耐啲，希望今次真係揾到适合自己嘅，希望真係可以存翻啲钱结婚同读书用啦！
哩几日成日都同老公一齐，真係好开心，行街、食饭，无拘无束，十分写意。今晚仲去咗游水添，真係好耐无游过，感觉几好，呵呵！@_@ 6월 27일 唉……渐渐感觉变得好飘忽，都唔知自己想点，想走或想留？唔多清楚！走？走得去边？留？我嘅支柱已经不在。我而家可以点？唯一嘅答案，完成好每日要做嘅嘢，见步行步，过得一日得一日，好过係屋企斋坐无钱收！之前我已经颓废咗好耐、懒咗好耐、浪费好多时间、唔见咗好多钱，我唔可以再哩埋自己係屋企，我唔可以再逃避……
旁人丝毫察觉唔到其实我内心好抗拒同想逃避，但事实上我就係咁，只不过我死撑咋，我真係好唔愿意，我付出太多啦，牺牲好多。我唔想我份工占据我咁多私人时间，女强人你估真係咁容易做啊？我只係一个小女人，我中意返工清清闲闲，落班翻屋企凑仔陪老公！唉……
畀个主管我做，我真係当之无愧？我真有能居之？
觉得自己成个怪人嘎，有时郁郁寡欢，有时又心情开朗，唔通……唔通我真係唔可以变翻以前咁无忧无虑？天啊……
写咗咁耐，连我自己都唔知道自己写乜，但係，确实写晒我想讲嘅嘢！
无论将来係点，努力做好每一日工作…… 6월 22일 眼瞓都要写埋先星期一晚同妈咪、老窦讲咗，佢都係电话同我妈咪讲咗，我屋企人话无问题，呵呵，不过佢未同佢阿妈讲。我妈咪话，要佢阿妈亲口同姖讲先算数嘎喔，唔係我哋两个讲咗就算嘎！@_@规矩啊～
工作方面酝酿紧啲嘢，不过唔讲得住，唔好意思喔！
唔知佢会点同佢阿妈讲呢？呵呵！ 6월 18일 求婚记今朝五点几，佢问我，结婚好唔好？我都唔知点答，既唔识答又唔敢答。结果佢数咗三声我都讲唔出口——我愿意。呵呵，原来我都仲识咩叫怕羞嘅，真係搞笑了！过咗一阵，我同佢讲，我哋结婚囖。之后佢係度笑，我都係度笑，呵呵！@_@
佢话等佢八月放假，又遇啱我休息，就去登记喔，呵呵。真係好开心啊，今日成日都好开心，不过又唔敢太确定，因为唔知佢係米吹水？！不过，我谂佢唔会拿哩啲来吹水嘅，嘻嘻！
今晚终于确定咗，唔係讲笑嘅，^_^，唔理啦，佢走唔甩啦，如果到时佢唔去，我就偷佢户口簿，绑住佢去，嘻嘻！佢又死咁係度笑啦，我都係！
真係好期待嘎嗟！虽然我唔知道结婚之后会係点？不过我相信，我哋嘅婚姻将会係好幸福好幸福嘅！ |
|||||
쪽지 보내기
RSS 피드 구독
친구에게 소개하기
Live.com에 추가
온라인 인맥에 추가
알림 서비스 등록|
|
